◄خطاب بجد كويس! ►

خطاب بجد كويس!








خطاب مرسى
*****************
خطاب هادى وخطير
فى حضور المحظورين
ها يساهم بشكل كبير
فى نزولنا يوم تلاتين


شكراً بجد يا ريس
دا إضافة لإنجازاتك
خطاب بجد كويس
عِرفنا فيه قدراتك
من حقك تبقى زعيم
لثورة يوم تلاتين


زى ما كنت زعيم
فى يناير للملايين
خطاب مَفهش عشيرتك
وقصير مُش طويل
شفنا فيه شهامتك
سمعنا فيه مواويل
صوتك بجد يشجى
وصحتك كمان تمام


واقف ساعات تشجى
والناس تقول يا سلام
قمة فى التواضع
واقف والناس نيام
والحضور كان راضع
محبة وانسجام
وكل ما تسكت لحظة
الناس تقول كمان
وبعد الخطاب بلحظة
شالو صورتك فى الميدان
الله عليك يا مرسى


يا عدو الأمريكان
يا قاهر كل كرسى
فى حماس أو إيران
يا داعم اللى نصرك
يا سلمى فى الميدان
يا هادم سور قصرك
يا حاسس بالأمان
بجد فخور أنا بيك
أكتر من ولديك
مقدرش أقول فى خطابك
غير الله عليك
دعمك لشباب تمرد
صعب أنساه أنا ليك
كتير قرر يتمرد
من أجل خطاب معاليك