الرئيسية
الأحداث
المنشورات
أحدث الصور
التسجيل
دخول
Mohamed Nsr
عضو ماسي
النوع :
عدد المساهمات :
408
العمر :
27
السمعة :
6
الجمعة 12 يوليو 2013, 5:08 am
**********************
صورة أرشيفية
********************
عركة ودايرة بين اتنين نظام وجبهة خنقونا الاتنين
الكل شايف نفسه والشعب ضاع فى الرجلين
اللى يقولك تمرد واللى يقولك تجرد هيودونا على فين الاتنين
قطرين عكس بعض ماشيين ولا حد قال يا عقل ولا حد قال يا دين
ولا حد بنى مصنع ولا حد زرع شجرة ولا حد شاف عاطلين
ماهو كل اللى بيتعاركوا شبعانين أزاى هيحسوا بالشقيانين
المهم عندهم أن فلان يبقى ريس ومعرفش مين يبقوا وزرا ومحافظين
بالزمة ده كلام ناس عاقلين وحاسين ولا كلام ناس شبعانين وكمان عايزين
ماهو الشعب ماقامش بثورة علشان يقعد مين ويشيل مين
الشعب قام بثورة علشان يرجع العدل للمظلومين
علشان دخلك يا بلدى ما يدخلش فى جيب مين ومين
والقمح اللى أحنا بناكله يبقى من أرضى ومن فاس الفلاحين
والكلمة اللى نقولها تبقى من راسنا مش من راس مين ومين
علشان نبنى سكن للمحرومين مش فى المقابر والشوارع نايمين
علشان راسنا تبقى براس أى حد مش نطاطى لمين ومين
يعنى لما نقعد مع شرق وغرب نبقى ند لند قاعدين
علشان ننمى الصعيد وسينا والوادى مش يفضلوا مهملين
والفقرا يلاقوا علاج مش يموتوا عيانين
علشان الجنيه يرتفع مش نبقى للدولار خاضعين
كلمة بقولها بأمانة لكل صاحب عقل ودين
حطوا مصر فى عنيكوا وماتكونوش ليها مضيعين
الكل شايف نفسه والشعب ضاع فى الرجلين
اللى يقولك تمرد واللى يقولك تجرد هيودونا على فين الاتنين
قطرين عكس بعض ماشيين ولا حد قال يا عقل ولا حد قال يا دين
ولا حد بنى مصنع ولا حد زرع شجرة ولا حد شاف عاطلين
ماهو كل اللى بيتعاركوا شبعانين أزاى هيحسوا بالشقيانين
المهم عندهم أن فلان يبقى ريس ومعرفش مين يبقوا وزرا ومحافظين
بالزمة ده كلام ناس عاقلين وحاسين ولا كلام ناس شبعانين وكمان عايزين
ماهو الشعب ماقامش بثورة علشان يقعد مين ويشيل مين
الشعب قام بثورة علشان يرجع العدل للمظلومين
علشان دخلك يا بلدى ما يدخلش فى جيب مين ومين
والقمح اللى أحنا بناكله يبقى من أرضى ومن فاس الفلاحين
والكلمة اللى نقولها تبقى من راسنا مش من راس مين ومين
علشان نبنى سكن للمحرومين مش فى المقابر والشوارع نايمين
علشان راسنا تبقى براس أى حد مش نطاطى لمين ومين
يعنى لما نقعد مع شرق وغرب نبقى ند لند قاعدين
علشان ننمى الصعيد وسينا والوادى مش يفضلوا مهملين
والفقرا يلاقوا علاج مش يموتوا عيانين
علشان الجنيه يرتفع مش نبقى للدولار خاضعين
كلمة بقولها بأمانة لكل صاحب عقل ودين
حطوا مصر فى عنيكوا وماتكونوش ليها مضيعين